N4 - fyrir þig

J listinn - óháð framboð og A listi, Byggðalistinn, hafa gert með sér samkomulag um meirihlutasamstarf í bæjarstjórn Dalvíkurbyggðar á kjörtímabilinu 2010 – 2014. Það er ásetningur meirihlutans að eiga gott samstarf við alla bæjarfulltrúa og hefur sá vilji m.a. verið undirstrikaður með því að B listinn og D listinn hafi formennsku í nefndum. Þetta kemur fram í tilkynningu frá framboðunum tveimur.

Lögð er áhersla á góða umgjörð fyrir atvinnurekstur í sveitarfélaginu og fjölbreytta þjónustu við íbúana. Á kjörtímabilinu verður sérstök áhersla á málefni ungmenna og umhverfismál.
Meirihlutinn mun leggja áherslu á ábyrga fjármálastjórn og að viðhalda traustri stöðu sveitarfélagsins. Einnig að eiga gott samstarf við fólkið, félögin og fyrirtækin í sveitarfélaginu um öll þau verk  sem til heilla horfa.  

Svanfríður Jónasdóttir verður áfram bæjarstjóri Dalvíkurbyggðar, Kristján Eldjárn Hjartarson, oddviti A listans verður formaður bæjarráðs og Guðmundur St. Jónsson forseti bæjarstjórnar.