Frá hægri; Stjórnarkonur frá Soroptimistafélaginu, Sigríður Ágústsdóttir, Bryndís Þórhallsdóttir og Guðrún Jóhannesdóttir, (áfram frá hægri) Aflskonur; Sæunn Guðmundsdóttir, Anna María Hjálmarsdóttir og Hrefna Björg Waage Björnsdóttir.
Fyrir jól færðu konur frá Soroptimistafélaginu Aflskonum 100.000kr að gjöf. Soroptimistafélagið er 30 ára í febrúar
næstkomandi og eru alþjóðleg samtök en markmið þeirra er að hvetja til aðgerða og skapa tækifæri til að breyta lífi
kvenna og stúlkna með fjölþjóðlegu samstarfi og alþjóðlegu félaganeti.
Þær hvetja til jafnræðis og jafnréttis, vilja skapa öruggt og heilsusamlegt umhverfi, auka aðgengi að menntun, og efla leiðtogahæfni og
hagnýta þekkingu til sjálfbærrar framtíðar. Það snertir okkur Aflskonur mikið að finna fyrir þessum velvilja úr öllum
áttum úr þjóðfélaginu, og erum þakklátar og stoltar fyrir að fá þennan styrk.
