Uppskriftirnar er einnig að fynna neðan við hvern þátt í Vef-sjónvarpinu,
Reyktur þorskur og Hveravallargrænmeti að hætti Sölku Húsavík
Kartöflumús að hætti ömmu. Ef mömmumús er betri þá gerið hana frekar!
Karamellurófumús
Sjóðið rófur þar til þær maukast. Leggið ca. 1 cm. þykkt lag sykur í pönnu og látið karmeleserast rólega og gullinbrúnum lit er náð. Takið karamelluna af hitanum og bætið rófumúsinni/maukinu varlega útá. Blandið vel saman og bætið við örlitlu vatni ef of þykkt.
Reyktur þorskhnakki og tómatar frá Hveravöllum
Léttsaltið þorskhnakkann daginn áður en á að reykja hann. Leggið birkisag/-spæni ásamt uppáhalds kryddjurtunum í stálbakka eða pönnu. Leggið grind ofan á, þerrið þorskinn vel og leggið á grindina ásamt tómathelmingum. Leggið lok eða álpapír yfir og kveikið undir. Látið reykjast í ca. 10-15 mín eftir að reykur byrjar að myndast.
Agúrku- og fennikkusalat
Kjarnhreinsið agúrkuna og skerið í þunnar skífur ásamt fennikkunni. Leggið í skál, kryddið með salti, pipar, örlitlum sykri eða hunangi, saxaðri steinselju, nokkrum sítrónudropum og góðri salatolíu. Blandið vel saman og látið standa í ca. 10 mín. áður en borið er fram.
Bacon- og lauksósa
Handfylli baconbitar stökksteiktir á pönnu, handfylli laukhringjum bætt útá og þeir látnir svitna vel. Ca. 1/2 dl. eplaediki bætt útá og látið sjóða vel niður. Að lokum er ca. 1/2 dl. rjóma hellt útá og látið sjóða vel niður. Smakkað til með salti og pipar og kannski smjörklípu, ef það er sunnudagur.
Góða skemmtun og verði ykkur að góðu!
Bearnaise
3 stk. Eggjarauður
500 gr. smjör
1 dl. Rjómi
2 msk. Estragon
1 msk. Bearnaise-essens
1 msk. grænmetiskraftur
1 msk. Ljós sósujafnari
2 msk. Sweet chili sósa
Bræðið smjörið varlega og hitið rjómann varlega. Blandið saman öllu við rjómann, nema sósujafnaranum og smjörinu sem fer varlega saman við síðast. Stillið af þykktina með örlitlum rjóma eða volgu vatni, pískið saman á volgri hellu og passið að hita sósuna ekki of mikið. Að lokum setjið sósujafnarann saman við og hitið upp rólega ef þess þarf síðar.
Kjötsúpan
500 gr. lambaframpartur í bitum
100 gr. blaðlaukur
100 gr. gulrætur
100 gr. hvítkál
100 gr. rófur
100 gr. laukur
3 msk. hýðishrísgrjón
2 msk. súpujurtir
2 msk. Lambakraftur
Kjötið er skolað vel og sett í pott með köldu vatni og suðan fengin upp rólega og soðið fleytt nokkrum sinnum til að fjarlægja fitu og óhreinindi sem fljóta ofaná. Sjóðið saman í ca. 30 mín og blandið þá saman við grænmeti og kryddum. Sjóðið saman í ca. 30 mín í viðbót og smakkið til með kjötkrafti og jafnvel smá hunangi.
10. þáttur, Ítalía
Ítalskar fiskibollur, ca. 5 bollur
300 gr. Roðlaus og beinlaus fiskur, helst ófrosinn
2 msk. Brauðraspur
1 stk. Egg
2 msk. Kapers
Hnífsoddur karrý
Salt og pipar
Öllu blandað saman í matvinnsluvél, setjið smá olíu í skál og dýfið skeiðinni í áður en bollurnar eru mótaðar á pönnuna.
9. þáttur, Bandaríkin
BBQ sósan hans Halla
100 gr. Púðursykur
30 gr. Sætt sinnep
30 gr. Tómatpúrra
Dass edik
Dass teriyaki
Salt og pipar
Öllu blandað saman og sykurinn látinn mýkjast. Gott er að smakka til með reyksalti eða öðru bragðsalti
8. þáttur, Danmörk
Remólaði
100 gr. Sultaður laukur
50 gr. Rifnar gulrætur
100 gr. Súrar gúrkur
20 gr. Kapers
50 gr. Sætt sinnep
1 tsk. Karrý
100 gr. Majónes
Salt og pipar
Hunang
Sítrónusafi
Öllu blandað saman í matvinnsluvél og smakkað til með salti, pipar, hunangi og sítrónusafa
Tempuradeig
125 g hveiti
1/2 tsk. lyftiduft
50 ml sódavatn
Salt
Setjið hveiti og lyftiduft í skál. Pískið sódavatnið saman við.
Brauðraspur
Allir brauðendar hússins þurrkaðir í ofni við 120°c í ca. 15 mínútur settir í matvinnsluvél.
7. Þáttur, Þýskaland
Einföld brauðuppskrift
½ kg hveiti
350 ml volgt vatn
1 msk ger
1 msk hunang
Skvetta olía
1 tsk salt
Hunanagi er bætt útí vatnið og síðan gerinu. Látið leysast upp á meðan hveiti, salt og olía eru sett í skál. Vökvanum bætt útí og hnoðað í góðar 5 mínútur. Deigið á að losna frá skálinni, en stundum þarf að bæta örlitlu hveiti útí.
Sett í form, eða hnoðaðar kúlur t.d. Skerið örlítið í degið og látið hefast í ca. 30 mín. undir stykki. Hafið ofninn við 180°c þegar brauðið fer í ofninn og bakið í ca. 20 mínútur.
Einfalt er að skipta út hluta af hveitinu fyrir t.d. heilhveiti, spelt og eða bæta við kornblöndu, hnetum eða kryddjurtum.
Í þessum þætti smurðum við örlítilli ólífuolíu ofaná brauðið og rifum parmesan ost áður en bakað var.
Eplatertan hennar Nicole
Deigið:
150gr smjör
150gr sykur
2 ts vanillusykur
1 egg
300gr hveiti
1ts lyftiduft
Blandað saman og kælt í 45mín, sett í 28cm smurt smelluform, vel í botnin og uppá hliðar.
Fylling:
1,5 kg skræld (Jona Gold) epli, skorin í ca. 1 cm. skífur og sett í formið.
0,75l hvítvín (má ekki vera of þurrt) eða eplasafi með smá sítrónusafa
250gr sykur
4tsk vanillusykur
1 pakki vanillubúðingsduft (Dr. Oetker fyrir 1 ltr.)
Vökvi og vanillusykur sett í pott og soðið uppá. Sykri bætt í (smakka til með sykrinum, epli, vín og safi geta verið breytileg) ásamt búðingsduftinu. Svo öllu hellt yfir eplin.
Bakað í 1,5 tíma og láta kólna í ofninum yfir nótt með smá rifu á ofninum.
Fjarlægt úr forminu og ½ ltr. þeyttur rjómi settur yfir. Gott er að strá swiss miss, kakó eða kanil yfir rjómann eftir smekk.
6. þáttur. Ísland – Dalvík
Langeldað lambalæri ( hér er auðvitað hægt að skipt læri út fyrir frampart eða jafnvel skanka)
1 lambalæri
½ ltr lambasoð
2 heil hvítlauksrif
1/3 grasker, gróft skorið
3 gulrætur, grófskornar
½ sæt kartafla, grófskorin
Handfylli kartöflur í tvennt
Handfylli konfekttómatar
5 stk hvít piparkorn
Hnífsoddur timian/blóðberg, og önnur krydd eftir smekk
Allt eldað við 100°c í ca. 3 klt. Hellið soðinu af og smakkið til, þykkið og berið fram.
Fiskrétturinn hans Júlla
Nætursaltaður þorskur, skorinn í skammta, smurður smjöri og eldaður við 180°c í ca. 5 mínútur. Safinn og smjörbráðin notuð til að hella yfir diskinn við framreiðslu
Rauðrófu-og kartöfluteningar ristaðir á pönnu
Rófur og fennikka soðin saman og maukuð, smökkuð til með salti, pipar, vorlauk og steinselju
Klettasalat með balsamicdressingu og jómfrúarólífuolíu
5. þáttur. Miðausturlönd
Hummus
200 gr. Soðnar kjúklingabaunir (ef þurrkaðar, þá leggja í bleyti degi áður og sjóða)
3 msk. Ólífulía
½ sítróna - safi + skall, ekki kjötið sjálft.
1 stk. hvítlauksrif
5 msk. Sesammauk (Tahini)
Blandið öllu saman í matvinnsluvél. Smakkað til með salti og pipar, einnig getur verið gott að setja 2-3 msk. sýrðan rjóma
Hlýrinn hans Halla
Hlýraflak skorið í skammta
Hummus smurt á bitana, þunnum sítrónusneiðum raðað ofan og hökkuðum blaðlauk
Smakkað til salti og pipar
Bakað í ofni við 150°c í ca. 7-10 mínútur.
Frábært að bera fram blandað íslenskt salat með þessu, kús kús og nýbakað brauð (uppskrift úr 7. Þætti), naan eða nýtt pítubrauð.
Eggaldinbollurnar hans Júlla
200 gr. léttsaltað eggaldinn, búið að hanga í sigti og vökvi runninn
100 gr. Svitaður saxaður laukur
100 gr. Hveiti, bætið meiru seinast ef deigið er mjög blautt
1 stk. egg
1 tsk. korianderduft
50 gr. Fetaostur
Handfylli saxað dill
Handfylli söxuð steinselja
20 gr. Furuhnetur
Öllu blandað saman á pönnunni og svo steikt í bollum
4. þáttur. Spánn
Saltfiskurinn hans Toni. Saltfiskur fátækra mannsins. Fyrir ca. 2.
300 gr. Saltfiskstrimlar
2 stk. Paprika, skorin í strimla
1 stk. Blaðlaukur, skorin í bita
5 soðnar kartöflur, skornar í tvennt
1 stk. saxaður hvítlauksgeiri
1 stk. Appelsína, kjötið skorið í bita og sett útá síðast
Allt ristað á pönnu
Handfylli söxuð steinselja
Smakkað til með pipar og ólífuolíu, borið fram með nýbökuðu brauði
Kjötbollurnar hans Júlla
300 gr. Ungnautahakk
50 gr. Brauðraspur
Handfylli söxuð steinselja
1 stk. Saxaður laukur
1 stk. egg
50 gr. Cheddar ostur
Smakkað til með salti og pipar
Öllu blandaði saman og mótað í bollu, kælt í 30 mínútur og svo steikt á pönnu. Tilvalið er að hella góðri tómat- og kryddsósu útá og látið sjóða örlítið. Berið fram með kartöflum og ferskum basil.
3. þáttur. Indland
Tandori þorskur að hætti Murthy
400 gr. Þorskur
1 tsk. Engiferduft
1 tsk. Hvítlaukusmauk
½ tsk Korianderduft
½ Kúmenduft
½ tsk. Túrmerikduft
1 tsk. paprikuduft
1 stk. Anísstjarna, brotin í lauf
1 dl. Ab mjólk
Ofnsteikt við 200°c í ca. 5 mínútur, borið fram með hrísgrjónum, naanbrauði og jógúrtdressingu.
Madras kjúklingurinn hans Júlla
400 gr. Kjúklingabitar
1 stk. saxaður laukur
2 tsk. Cumminduft
1 tsk. Chiliduft
1 tsk. Korianderduft
1 tsk. Túrmerikduft
Salt og pipar
Laukurinn er svitaður á pönnu, kjúklingi bætt við og síðan rest. Þetta er látið malla í smástund.
100 gr. Tómatbitar
1 msk. Gara mazala
Og örlitlu vatni er síðan bætt við og þetta látið malla í ca. 20 mínútur
Tilvalið er að bera þetta fram með naanbrauði hrísgrjónum, feskum koriander og sýrðum rjóma.
2. þáttur. Japan
Hrefnusteik með japönsku kartöflusalati og límónaði
400 gr. Hrefna, skori n í ca. 3 cm. þykkar steikur, marinerað yfir nótt í soyasósu
1 msk. piparblanda
2 msk. teriyaki
Grillað vel á sitt hvorri hlið, pennslað með teriyakisósu og látið hvíla í nokkrar mínútur
Kartöflusalat
10 stk soðnar kartöflur, skornar í teninga
1 stk. soðin gulrót
1 stk. paprika, söxuð
1 stk. vorlaukur, saxaður
1 tsk. Graslaukur, saxaður
4 msk. Majónes
Öllu blandað saman og smakkað til með sítrónusafa, salti, pipar og nokkrum dropum af teriyaki.
Límónaði hans Halla
1 ltr. Sódavatn (úr soda stream tækinu)
1 stk. kreist sítróna og skallið
3 msk. Acasíu hunang, má skipta út fyrir Agave sýróp
Djúpsteiktur banani að hætti Júlla
1 stk. Banani
1. dl. Eggjahvíta
1 dl. Hvítur brauðraspur, grófhakkaður
1 grein fersk mynta.
Banana velt uppúr hveiti, síðan eggjahvítu og síðast brauðraspi. Steikt á pönnu í nokkuð mikilli olíu. Þerrið á pappír. Tilvalið að bera fram með ís og eða þeyttum rjóma, berjasósu og ferskri myntu.
1.Þáttur. Bretland
Fish and chips að hætti Halla
400 gr. Þorskur
1 stk. egg
½ dl. Bjór
1 dl. Spelt
3 msk. „Sweet chili“ sósa
1 msk. olía
Hnífsoddur salt
3 stk. bökunarkartöflur skornar í báta, bakaðir í ofni með olíu salti og pipar í ca. 20 mínútur.
Kartöflur skornar í báta, velt uppúr olíu, kryddaðar eftir smekk og bakaðar við 180°c í ca. 20 mínútur
Skerið fiskinn í þumlungsstóra bita, blandið öllu öðru saman í skál, geymið örlítið af spelt hveitinu og veltið fiskbitunum uppúr því og síðan uppúr orlydeiginu, djúpsteikt í potti.
Frábært er að bera þetta fram með góðu ediki og jafnvel chilimajonesi, sem er venjulegt majónes blandað slettu af „Sweet chili“ sósunni.
Villisveppa- og eggjabakan hans Júlla
300 gr. Villisveppir, steiktir á pönnu
100 gr. Saxaður skallottulaukur
1 msk. fersk timianlauf
1 msk. smjör
Smakkað til með salti og pipar
Allt steikt á pönnu, sett í 2 eldföst mót, egg sett yfir, dass rjóma ásamt rifnum cheddarost
2 stk. egg
50 gr. Rifinn cheddarostur
1 dl. Rjómi
Bakað við í 190°c ca. 10 mínútur
Frábært meðlæti með kjötréttum eða eitt og sér.
