Hvað varð til þess að þú fórst af stað í þessar breytingar?
„Ég er ný flutt í þetta hús, en bjó reyndar í því í nokkur ár fyrir 3 árum síðan. Mér fannst borðstofan alltaf svo lítil og rýmið nýttist illa. Ég pældi mikið í því hvað ég gæti gert, mig vantaði skápapláss en borðsofan rúmar ekki stóra skápa.“
Hvaðan eru hillurnar og hvernig gekk að raða þeim upp?
„Hillurnar eru frá IKEA ég hafði verið að skoða þær þar sem ég bjó áður, og þá sem búr/geymslu hillur. Það er hægt að raða þeim eins og maður vill of þær voru úr óunnum við svo auðveldara var að mála þær. Ég hélt að þetta væri allt útpælt hjá mér og rétt reiknað, en það skeikaði sentimetrum hér og þar, svo pabbi fór nokkrar ferðir á verkstæðið fyrir mig svo þetta myndi smell passa.“
Hvað kostaði breytingin?
„Breytingin öll var um 40 þúsund.“
Afhverju valdir þú þennan lit?
„Ég heillaðist mjög að þessum lit strax og hann kom út. Hann heitir Djúpur og er frá Slippfélaginu og Sæju innanhúshönnuði. Það voru ekki margir sammála mér áður en ég byrjaði að mála, en held það séu það flestir í dag.“
Hvernig datt þér í hug að mála hillurnar í sama lit og veggurinn?
„Ég hafði séð allskonar útfærslur af því að mála hluti í sama lit og veggina. Bæði á pinterest, Instagram og í hönnunarblöðum. Svo mig langaði til að prófa. Það gekk mjög vel en tók sinn tíma. Ég fór tvær umferðir af málningu, þurfti hvorki að grunna né lakka yfir. Útkoman er alveg vinnunnar virði.“
Skuggarnir gera heilmikið til þess að lyfta litnum og hillunum á hærra plan. Ertu ánægð?
„Já ég er mjög ánægð með útkomuna, Þetta kom út alveg eins og ég var búin að sjá fyrir mér. Það er mikil breyting á borðstofunni. Liturinn er svo hlýr þótt hann sé dökkur og mikil dýpt í honum. Liturinn er mjög breytilegur og allskyns tónar í honum. Brúnir, vínrauðir og fjólubláir tónar fer eftir því hvenær dags er. En ég hugsa að mér finnist hillurnar flottastar í dagsbirtu.“
