N4 - fyrir þig

Hokkíleikur ársins í beinni á N4 – Sjónvarpi Norðurlands

Skautafélag Akureyrar og Björninn mætast í hreinum úrslitaleik um íslandsmeistaratitil karla í íshokkíi á morgun miðvikudag kl:19:00. Leikurinn verður sýndur í beinni útsendingu á sjónvarpsstöðinni N4 og hefst hún kl:18:30. N4 næst á rás 15 eða 29 á Digital Ísland. Þá verður leikurinn einnig sýndur beint á Netinu á www.n4.isog á heimasíðu íshokkísambands Íslands www.ihi.is.

 

Útsendingin er unnin í samvinnu við: Íslensk Verðbréf, Goða, Bílaleigu Akureyrar og Thule

SA sigraði Björninn 3-2 í fjórða leik liðanna í úrslitum Íslandsmótsins sem fram fór í Egilshöllinni í Reykjavík í kvöld og er staðan í einvíginu þá orðin 2-2. Oddaleikurinn fer fram í Skautahöllinni á Akureyri á miðvikudagskvöld  

Veitingastaðurinn Friðrik V í listagilinu á Akureyri er hættur starfsemi, stofnendur staðarins og meirihlutaeigendur, Friðrik Valur Karlsson og Arnrún Magnúsdóttir, tilkynntu þetta á starfsmannafundi í gærkvöldi. Fram kemur að ástæðan sé  sú að þau sjá ekki rekstrargrundvöll á sömu forsendum og hingað til, möguleiki  hafi verið á því að draga úr gæðum staðarins en sú hugmynd hugnast okkur hjónum ekki. Friðrik og Arnrún opnuðu staðinn fyrir níu árum við Strandgötu og fluttu starfsemina í gamalt, nýuppgert hús við Kaupvangsstræti árið 2007. Þau segjast hafa orðið vör við talsverðan samdrátt fyrstu tvo mánuði þessa árs miðað við sama tíma í fyrra og sjá ekkert í stöðunni sem bendir til þess að hlutirnir muni lagast á Akureyri á næstu misserum. Þess vegna telja þau það ábyrga ákvörðun gagnvart starfsfólki og birgjum að hætta núna.